ಯಾರಿಗೇ ಇಲ್ಲಿ ಬೆಲೆ?

 

ಮನವೇ ನಿನ್ನ ತಲೇನೋವು ಕೇಳುವರು ಯಾರೂ ಇಲ್ಲ
ನೀ ಆನಂದದಿ,ರಾಜಾರೋಷವಾಗಿ ಇದ್ದರೇ ಇಲ್ಲಿ ಬೆಲೆ.

ಮನವೇ ನೀ ಬಡತನದಲ್ಲಿ ಬೆಂದರೂ ಕೇಳುವರಾರಿಲ್ಲ
ನೀ ಶ್ರೀಮಂತನಾಗಿ, ಸಿರಿಯಾದರೇ ಇಲ್ಲಿ ಬೆಲೆ

ಮನವೇ ನಿನ್ನ ಕಷ್ಟ-ನಷ್ಟ ಕೇಳುವವರು ಯಾರೂ ಇಲ್ಲ
ನೀ ಯಾವಾಗಲೂ ಲಾಭದಲ್ಲಿದ್ದರೇ ಇಲ್ಲಿ ಬೆಲೆ

ಮನವೇ ನಿನಗೆ ಮಾರ್ಗದರ್ಶನ ತೋರುವವರಾರಿಲ್ಲ
'ಅರಿವೇ ಗುರು' ಎಂಬುದರಿತರೇ ನಿನಗೆ ಇಲ್ಲಿ ಬೆಲೆ

ಮನವೇ ನಿನ್ನ ಪ್ರಕ್ಯಾತಿಯನ್ನು ಹೊಗಳುವವರಾರಿಲ್ಲ.
ನಿನಗೆ ನೀನೇ ಬಹುಮಾನ ಕೊಟ್ಟುಕೊಂಡು ಬಾಳಿದರೇ ಇಲ್ಲಿ ಬೆಲೆ

ಮನವೇ  ಒಳ್ಳೆಯ ನಡೆ-ನುಡಿಗೂ ಬೆಲೆಕೊಡುವವರಿಲ್ಲ
ನಿನ್ನ ಕಂತೆ ಕಂತೆ ಸುಳ್ಳಿನ ಮಾತಿಗೆ ಇಲ್ಲಿ ಬೆಲೆ

ಮನವೇ ನಿನ್ನ ಪಾಲನ್ನು ಯಾರು ತಂದು ಕೊಡುವವರಿಲ್ಲ
ನಿನ್ನ ಪಾಲಿಗೆ  ನೀನು ಹಕ್ಕುದಾರನೆಂದು ಬಂಡೆದ್ದರೇ ಇಲ್ಲಿ ಬೆಲೆ

ಮನವೇ ನಿನ್ನ ಜೀವನವನ್ನು ಉಧ್ಧರಿಸುವವರಾರಿಲ್ಲ
'ನಿನ್ನ ಜೀವನದ ನಿರ್ಮಾಪಕ ನೀನೇ' ಎಂದರಿತರೇ ಇಲ್ಲಿ ಬೆಲೆ

ಮನವೇ ಬರೀ ನಿನ್ನ ಸುಖವನ್ನೇ ಬಯಸದಿರು ಇಲ್ಲಿ
ಪರರ ಕಷ್ಟವನ್ನು ಕೇಳು,ದೇವನಾದರೂ ಕೊಡಬಹುದೇನೋ ನಿನಗಿಲ್ಲಿ ಬೆಲೆ.

🖋🖋 

ಮಂಜುನಾಥ ಸಿಂಗನ್ನವರ.