ಹಲ್ಲುಜ್ಜಲು ಇದ್ದಿಲಾದರೇನು,ಉಪ್ಪಾದರೇನು
ಹಲ್ಲು ಹಸನಾದರೇ ಸಾಕು ಅನಿಸುತ್ತಿತ್ತು.
ಇಂದು ಬಾಯಿಯ ಆ ಗೇಟಿಗೆ
ಕೊಲ್ಗೇಟೆ ಬೇಕು ಅನಿಸುತ್ತದೆ
ಧರಿಸಲು ಮುದುಡಿದರೇನು, ಹಳೆಯದಾದರೇನು
ಮೈ ಮುಚ್ಚಲು ಬಟ್ಟೆಯೊಂದು ಸಾಕು ಅನಿಸುತ್ತಿತ್ತು.
ಇಂದು ಇಸ್ತ್ರೀಯಲ್ಲಿ ಸಾಪು ಮಾಡಿದ
ತೀಜೋರಿಯಲ್ಲಿಟ್ಟ ಬಟ್ಟೆಯೇ ಬೇಕು ಅನಿಸುತ್ತದೆ
ಉಣಲು ಬಿಸಿಯಾದರೇನು,ಹಸಿಯಾದರೇನು
ಹಸಿವು ನೀಗೀದರೇ ಸಾಕು ಅನಿಸುತ್ತಿತ್ತು.
ಇಂದು ನಾಲಿಗೆಯ ಚಪಲಕ್ಕೆ
ಬಯಸಿದ ಅಡುಗೆಯೇ ಬೇಕು ಅನಿಸುತ್ತಿದೆ
ಸಂಚರಿಸಲು ಸಣ್ಣದಾಗಿದ್ದರೇನು,ದೊಡ್ಡದಾದರೇನು
ಗೌರ್ಮೆಂಟಿನ ಸೈಕಲ್ ಸಿಕ್ಕರೆ ಚಾನ್ಸ ಅನಿಸುತ್ತಿತ್ತು
ಇಂದು ವೇತನ ಬರುತ್ತಿದ್ದರೂ
ಗೌರ್ಮೆಂಟಿನ ಬೋನಸ್ ಬೇಕು ಅನಿಸುತ್ತದೆ.
ವಾಸಿಸಲು ಮನೆ ಸಣ್ಣದಿದ್ದರೇನು,ಬಣ್ಣವಿರದಿದ್ದರೇನು
ಸುಣ್ಣದ ಸಣ್ಣ ಮನೆಯೆ ಸುಃಖ ಎನಿಸುತ್ತಿತ್ತು
ಇಂದು ಬಣ್ಣ-ಬಣ್ಣದ ಬಂಗಲೆಯೇ
ಮನ ಬಯಸಿ ಬೇಕು ಅನಿಸುತ್ತದೆ.
🖊ಮಂಜುನಾಥ ಸಿಂಗನ್ನವರ.
🏘ತೆಗ್ಗಿಹಾಳ